ჩვენ პარლამენტში რამე კონკრეტული პრივილეგიებისთვის ან თანამდებობებისთვის არ შევდივართ, პარლამენტში შესვლის გადაწყვეტილება მივიღეთ იმისთვის, რომ რეჟიმის დასამარცხებლად დამატებით გვქონდეს ინსტრუმენტი, - ამის შესახებ ენმ-ის ერთ-ერთმა ლიდერმა ხატია დეკანოიძემ ქართული ოცნების თავმჯდომარის ირაკლი კობახიძის საპასუხოდ განაცხადა.

კობახიძემ თქვა, რომ თუ ენმ შარლ მიშელის დოკუმენტს ხელს არ მოაწერს, ვერ ისარგებლებს საპარლამენტო პრივილეგიებით.

"ბატონი კობახიძის განცხადება იყო შეშინებულის პოზიციიდან გაკეთებული განცხება, რადგან ბიძინა ივანიშვილის რეჟიმის წარმომადგენლებს ნამდვილად არ სურდათ ბლოკი „ერთიანი ნაციონალური მოძრაობა - ძალა ერთობაშია პარლამენტში ეხილათ. მინდა მას ვუპასუხო, რომ ჩვენ პარლამენტში რამე კონკრეტული პრივილეგიებისთვის ან თანამდებობებისთვის არ შევდივართ, ეს გადაწყვეტილება მივიღეთ იმისთვის, რომ რეჟიმის დასამარცხებლად დამატებით გვქონდეს ინსტრუმენტი. ჩვენი მთავარი ამოცანა, რისთვისაც ეს გადაწყვეტილება მივიღეთ, არის ის, რომ უნდა გამოვიყენოთ საპარლამენტო საქმიანობა, როგორც ერთ-ერთი მნიშნელოვანი იარაღი რეჟიმის წინააღმდეგ საბრძოლველად. ჩვენ არ გვჭირდება ძალაუფლების გადანაწილება ქართულ ოცნებასთან", - თქვა დეკანოიძემ.