ბიძინა ივანიშვილს არც ვაქებ დღეს და არც ვაძაგებ, ეს ჩემი პოლიტიკური გადაწყვეტილებაა, - აცხადებს პარტია „საქართველოსთვის“ დამფუძნებელი, რომელიც დღეს სხვადასხვა ტელევიზიების წარმომადგენლებს შეხვდა.

გიორგი გახარია აცხადებს, ის იზიარებს ყველა იმ წარმატებას თუ წარუმატებელობას, რაც მისი ხელისუფლებაში ყოფნის პერიოდში მოხდა

"ბიძინა ივანიშვილს, რომელიც პოლიტიკიდან წავიდა, ყოველ შემთხვევაში, ასე განაცხადა და რომელთან ერთადაც, მე ბოლო 7 წლის განმავლობაში ვმუშაობდი, კიდევ ერთხელ ხაზგასმით აღვნიშნავ, ყველა ის წარმატება და წარუმატებლობა, რაშიც მონაწილეობა მიმიღია, მათ შორის, ჩემი პასუხისმგებლობაა, მე მას არც ვაქებ დღეს და არც ვაძაგებ, ეს ჩემი პოლიტიკური გადაწყვეტილებაა, მაგრამ ეს იმას არ ნიშნავს, რომ ხვალ, როცა ჩვენი ქვეყნის მომავალზე იქნება საუბარი, მე რაიმე კომპლექსი, ან შეზღუდვა მექნება იმასთან დაკავშირებით, რომ ჩემი პოზიცია ღიად დავაფიქსირო. ასეთი არ იქნება და ამის იმედი არავის არ უნდა ჰქონდეს. მე მესმის, რამდენ ადამიანს უნდა აქ მოსმენა ჭორაობების, მე ამას არ გავაკეთებ, იმიტომ რომ ვთვლი, ეს არ არის სწორი, განსაკუთრებით, მაშინ, როცა ადამიანმა თქვა, მე რაც შევძელი გავაკეთე და აღარ ვარ ამ პროცესი მონაწილეო", - განაცხადა გახარიამ.