გორის პოლიცია 14 წლის გოგოს, თეო ლურსმანაშვილს ეძებს, რომელიც 31 მაისს გაუჩინარდა. ინფორმაცია სოფელ ტინისხიდის თემში გორის მუნიციპალიტეტის მერის წარმომადგენელმა გაავრცელა.

გავრცელებული ინფორმაციით, ბოლოს გაუჩინარებული გოგო გორში, წმინდაწყლის დასახლებაში ნახეს, სადაც ის დედასთან ერთად იმყოფებოდა.

"31 მაისს წმინდაწყლის ტერიტორიიდან დაიკარგა სოფელ ტინისხიდში მცხოვრები 14 წლის მოზარდი თეო ლურსმანაშვილი. ნებისმიერი ინფორმაციის ფლობის შემთხვევაში დაუკავშირდით პოლიციას ან მოგვწერეთ", - აღნიშნულია ტინისხიდის ადმინისტრაციის განცხადებაში.

როგორც იუწყებიან, 31 მაისს, გოგონას დედა ბანკში იყო შესული, მოზარდი კი ეზოში ელოდებოდა. ბანკიდან გამოსულ დედას ბავშვი ეზოში აღარ დახვდა.