ივნისი იქნება ბოლო თვე, როდესაც საქართველოში ვაქცინაციის პროცესი არ იქნება ისეთი აქტიური, როგორც ეს საჭიროა სამიზნე ჯგუფებზე გასვლისთვის. ივნისის ბოლოდან, პრაქტიკულად შეიძლება გარანტია მოგცეთ, რომ საქართველოში სხვადასხვა წარმოების ვაქცინის მასობრივი შემოსვლა დაიწყება. ამის შესახებ თბილისის ინფექციური საავადმყოფოს დირექტორმა, თენგიზ ცერცვაძემ „რუსთავი-2“-ის ეთერში განაცხადა.

მისივე განმარტებით, ამ პერიოდიდან ქვეყანაში შემოვა დიდი რაოდენობით „სინოფარმი“, „სინოვაკი“ და „ფაიზერი“.

„და კიდევ ერთი ვაქცინა: ჩემი აზრით, ყველაზე უკეთესი - „ნოვავაქსი“, რომელიც ჯერ არის ბაზარზე და ავტორიზაცია არ მიუღია. ის ავტორიზაციას მიიღებს ივნისის ბოლოს და მისი პირველი კონტრაქტორი საქართველოა, რომელიც მილიონ დოზას მიიღებს. ივნისის ბოლოდან საქართველოში დღეში აიცრება არა 4000-5000, არამედ 8000-9000 ადამიანი“, - განაცხადა თენგიზ ცერცვაძემ.