გავეცნობი სიტუაციას. ჯერ ადრეა მაგაზე საუბარი, - განაცხადა ნინოწმინდის პანსიონის ახლადდანიშნულმა დირექტორმა, ბოდბელმა ეპისკოპოსმა მეუფე იაკობმა პანსიონში სახალხო დამცველსის შეშვებასთან დაკავშირებით.

"მე ახლა შემოსული ვარ, რომ სიტუაციას გავეცნო. გავეცნობი სიტუაციას, ჯერ ადრეა მაგაზე საუბარი, გავეცნობი სიტუაციას და მერე მივიღებ გადაწყვეტილებას. დღესდღეობით სოციალური მუშაკები მუშაობენ, სახელმწიფოს წარმომადგენლები არიან. ასვეე, სხვადასხვა ორგანიზაციებიც იყვნენ შემოსულები და კითხვები დღევანდელ მდგომარეობაზე არ აქვთ. ადრე რა იყო არ ვიცი, თუმცა დღევანდელ მდგომარეობაზე არ აქვთ და ადრეც სასამართლომ მიიღო გადაწყვეტილება და მე ვფიქრობ, არასწორი გადაწყვეტილება მიიღო, - ამბობს მეუფე იაკობი.

დღეს, ცნობილი გახდა, რომ პატრიარქის გადაწყვეტილებით, ნინოწმინდის ბავშვთა პანსიონს ბოდბელი ეპისკოპოსი იაკობი უხელმძღვანელებს.

საპატრიარქოს იურისტის ინფორმაციით, მეუფე სპირიდონმა ნინოწმინდის პანსიონი პირადი განცხადების საფუძველზე, პატრიარქთან შეთანხმებით დატოვა.