ჩემი დღის წესრიგი მიმართულია არა რუსეთის წინააღმდეგ, არამედ ამერიკელი ხალხის ინტერესების სასარგებლოდ - ბაიდენი
აშშ-ის პრეზიდენტმა ჯო ბაიდენმა ჟენევაში გამართულ შეხვედრაზე რუსეთის პრეზიდენტ ვლადიმირ პუტინს უთხრა, რომ მისი საქმიანობა მიმართულია არა რუსეთის წინააღმდეგ, არამედ ამერიკელი ხალხის ინტერესებისკენ.
„მე ვუთხარი პრეზიდენტ პუტინს , რომ ჩემი დღის წესრიგი რუსეთის წინააღმდეგ არ არის მიმართული. ის მიმართულია ამერიკელი სალხის ინტერესების სასარგებლოდ - ეს ჩემი, როგორც პრეზიდენტის პასუხისმგებლობაა“, - განაცხადა აშშ-ის პრეზიდენტმა ჯო ბაიდენმა პუტინთან შეხვედრის შემაჯამებელ პრეს-კონფერენციაზე.
