63 პოლიციელი დაშავდა ბერლინში შეტაკებების შედეგად. რამდენიმე მათგანს სამედიცინო დაწესებულებაში გადაყვანა დასჭირდა. ინფორმაციას ბერლინის პოლიციის პრეს-სამსახური ავრცელებს.

სამართალდამცველთა ინფორმაციით, ფრიდრიხსჰაინის რაიონში ინსპექტორების მხრიდან ტერიტორიის  შემოწებას პოლიციის თანამშრომლებზე მასობრივი თავდასხმა მოჰყვა.

გავრცელებული ინფორმაცით, მემარცხენე რადიკალებმა, რომლებსაც არასაცხოვრებელ სახლი ჰქონდათ ბლოკირებული, წინააღმდეგობა გაუწიეს პოლიციის თანამშრომლებს. ცეცხლი წაუკიდეს სახლის წინ აღმართულ თვითნაკეთ ბარიკადებს, ნიღბიანი ადამიანები პოლიციელებს ბოთლებს, ქვებსა და პეტარდებს ესროდნენ. დააკავეს ოთხი ადამიანი.

ფრიდრიხსჰაინში მთელი ღამის განმავლობაში გრძელდებოდა საპროტესტო აქციები სამართადამცველების წინააღმდეგ, რაიონში დიდი რაოდენობით საპოლიციო ძალები ამ დრომდე რჩებიან.