საბერძნეთში 20 წლის ქალის მკვლელობის საქმეზე გარდაცვლილის ქმარი, ერთ-ერთი ცნობილი ავიახაზების პილოტი, ბაბის ანაგნოსტოპულო დააკავეს.

ირკვევა, რომ 20 წლის ახალგაზრდა ქალი, მეუღლემ 11 თვის შვილის თანდასწრებით გაგუდა. შემდეგ თავდასხმის ინსცენირება მოაწყო და თავი სკამზე საკუთარი ხელით დაიბა.

ადგილობრივი მედიის ცნობით, 32 წლის კაცმა, რომელიც ცოლის მკვლელობას ყაჩაღობას უკავშირებდა, დანაშაული აღიარა და დაადასტურა, რომ ახალგაზრდა ქალის მკვლელობის შემდეგ ყაჩაღობის ინსცენირება მოაწყო.

კაროლაინი 2021 წლის მაისში მოკლეს. თავდაპირველად გავრცელდა ინფორმაცია, რომ დანაშაულისთვის საქართველოს 36 წლის მოქალაქე დააკავეს, თუმცა მოგვიანებით, მომხდართან მისი კავშირი საბერძნეთის პოლიციამ უარყო და კაცი გაათავისუფლეს.

ბერძნული მედია მაშინ წერდა, რომ თავდამსხმელმა მოსამსახურე და ქალის ქმარი გაკოჭა და ბრიტანეთის მოქალაქე გოგო 11 თვის ჩვილის თანდასწრებით მოკლა. ბრალდებულმა მოკლა ძაღლიც, რომელიც მას სავარაუდოდ წინააღმდეგობას უწევდა.

ათენის პოლიციის თქმით, კაცის ჩვენებები არათანმიმდევრული იყო, რამაც სამართალდამცაებს ეჭვი გაუჩინა, თუმცა საბოლოოდ საქმეში ახალი მტკიცებულები გამოჩნდა მათ შორის ქალის სმარტ საათიდან და სხვა ელექტრონული მოწყობილობებიდან ამოღებული ინფორმაცია. აღნიშნულის შემდეგ 32 წლის კაცი დააკავეს, რომელმაც ბრალი აღიარა.