აშშ-მა ბელარუსის წინააღმდეგ სანქციები გააფართოვა. სანქცირებულთა სიაში 16 ფიზიკური პირი, უწყება და ორგანიზაცია მოხვდა.

კერძოდ, აშშ-მა სანქციები დაუწესა ბელარუსის უსაფრთხოების სამსახურს, შსს-ს ორგანიზებულ დანაშაულთან და კორუფციასთან ბრძოლის მთავარ სამმართველოს, შსს-ს შინაგან ჯარს, ბრესტის ოლქის შინაგან საქმეთა სამმართველოსა და მინსკის სამართალდამრღვევთა იზოლაციის ცენტრს.

აშშ-ის ახალი სანქციების ქევშ მოყვნენ ბელარუსის პრეზიდნტის ალიაქსანდრ ლუკაშენკას პრეს-მდივანი ნატალია ეისმონტი და პარალამენტის ზედა პალატის სპიკერი ნატალია კოჩანოვა. ბელარუსის უსართხოების სამსახურის სპეცდანიშნულების „ალფას“ მეთაური სერგეი ზუბკოვი. მინსკის მილიციის უფროსი მიხაილ გრიბი და იუსტიციის მინისტრის მოადგილე სერგეი კალინოვსკი.

აშშ-ის სანქცირებულთა სიაში ასევე მოხვდა ბელარუსის გენერალური პროკურორი ანდრეი შვედი. სახელმწიფო უსაფრთხობის კომიტეტის თავმჯდომარე ივან ტერტელი და ბელარუსის შინაგანი ჯარის მეთაური ნიკოლაი კარპენკოვი.

ბელარუსსა და დასავლეთს შორის ურთიერთობა მკვეთრად გაუარესდა გასული წლის აგისტოში საპრეზიდენტო არჩევნების შემდეგ. ევროკავშირმა არჩევნების შედეგები არ აღიარა  და მას არადემოკრატიული უწოდა. ამასთან, არ აღიარა ლუკაშენკა ქვეყნის ლეგიტიმურ პრეზიდენტად.  

ევროკავშირმა, დიდმა ბრიტანეთმა, აშშ-მა და  კანადამ ბელარუსი ოფიციალური პირებისა და ხელისუფლებისადმი ლოიალურად განწყობილი კომპანიების  წინააღმდეგ სანქციები დააწესეს.