ღია ომის საფრთხე უკრაინასა და რუსეთს შორის ახლა უფრო მაღალია, ვიდრე ერთი წლის წინ იყო. ამის შესახებ უკრაინის პრეზიდენტმა პეტრო პოროშენკომ გამოცემა Bild-თან ინტერვიუში განაცხადა.

პოროშენკოს თქმით, უკრაინის ტერიტორიაზე 8 ათასამდე რუსი სამხედრო იმყოფება, უკრაინა-რუსეთის საზღვარზე კი განლაგებულია რუსეთის ახალი სამხედრო ბაზები და სადაც რეგულარული წვრთნები და სწავლება მიმდინარეობს.

უკრაინის პრეზიდენტმა აღნიშნა, რომ რუსეთი ”ბევრ ინვესტიციას დებს ომის სამზადისში” და არანაირ განმარტებებს არ აძლევს კიევს.

პოროშენკომ დონბასში კონფლიქტის დიპლომატიურ მოგვარებას პრიორიტეტული უწოდა და დასძინა, რომ უკრაინა ღიაა გერმანიიდან იარაღის მიღებისთვის.