ჰაიტიში თავდასხმას ემსხვერპლა რეზიდენციაში მოკლული ქვეყნის პრეზიდენტის ჟოველინ მოიზის მეუღლე მარტინ მოიზიც. იუწყება ტელეარხი Telesur -ი.

„ჰაიტის პრეზიდენტის მეუღლე, რომელიც რეზიდენციაზე თავდასხმის შედეგად დაიჭრა, გარდაიცვალა“, - ნათქვამია ტელეარხის მიერ Twitter-ზე გამოქვეყნებულ ინფორმაციაში.

ჟოვენელ მოიზი საკუთარ რეზიდენციაში თავდასხმის შედეგად მოკლეს.

პრემიერ-მინისტრის განცხადებით, პრეზიდენტი ჰაიტის დედაქალაქ პორტ-ო-პრენსში, რეზიდენციაში იმყოფებოდა, როდესაც შეიარაღებული პირები შენობაში შეიჭრნენ.

პრემიერ-მინისტრის განცხადებით, მთავრობა ყველა ზომას მიმართავს, რათა განაგრძოს ქვეყნის შეუფერხებელი განვითარება.

53 წლის ჟოვენელ მოიზი ჰაიტის პრეზიდენტის თანამდებობას 2017 წლიდან იკავებდა.