ფლორიდის შტატში, მაიამიში მრავალბინიანი საცხოვრებელი კორპუსის ნანგრევებთან მომუშავე სამაშველო ჯგუფებმა საძიებო-სამაშველო მისია დაასრულეს.

როგორც იუწყებიან, იმედი, გადარჩენილთა აღმოჩენისა, გადაიწურა.

გადაწყვეტილება დაახლოებით ორი კვირის შემდეგ მიიღეს, რაც კორპუსი ჩამოინგრა.

სამაშველო სამუშაოების შედეგად, ნანგრევებში აღმოაჩინეს 54 ადამიანის ცხედარი. 86 ადამიანი კვლავ დაკარგულად ითვლება.

სამაშველო სამუშაოების დასრულების შესახებ ცნობილი გახდა დაკარგულთა ოჯახის წევრებისა და რაიონის ხელმძღვანელობის შეხვედრის შემდეგ.

შეხვედრის შემდეგ გამართულ პრესკონფერენციაზე, რაიონის მერმა განაცხადა, რომ ნულის ტოლია შანსი, რომ ვინმე ცოცხალი გადარჩა.

"მიუხედავად იმისა, რომ ნანგრევებში გადარჩენილთა აღმოჩენის შანსი არ არსებობს, სასწაული მაინც შესაძლებელია", - დასძინა მან.

სამაშველო მისია გაართულა ტროპიკულმა ქარიშხალმა "ელზამ".

მიმდინარეობს გამოძიება რათა დადგინდეს კორპუსის ჩამონგრევის მიზეზები.

მაიამიში საცხოვრებელი კორპუსი 24 ივნისს ჩამოინგრა. შენობის მეორე ნახევარი 4 ივლისს კონტროლირებული აფეთქების გზით დაანგრიეს.