შინაგან საქმეთა მინისტრი ვახტანგ გომელაური ამბობს, რომ 5 ივლისს თბილისის ქუჩებში მასობრივი ძალადობის წინააღმდეგ უწყებამ იმდენი პოლიციელი გაიყვანა, რამდენის შესაძლებლობაც ჰქონდა.

მისივე თქმით, პოლიციამ ყველაფერი გააკეთა, რათა უსაფრთხოება დაცული ყოფილიყო.

"⁠კითხვები ჩნდება, რატომ არ იყო გამოყვანილი სპეცდანიშნულების რაზმი - ვინ გეუბნებათ, რომ სპეცრაზმი არ იყო გამოყვანილი არ ვიცი. სპეცრაზმი იყო გამოყვანილი... სპეცდანიშნულების რაზმი ეს არ არის, რომ აუცილებლად რობოკოპებად ჩაცმულებმა იარონ. ეს არიან პოლიციელები ჩვეულებრივად. როცა სჭირდებათ, რომ ჩაიცვან და აღიჭურვონ ამ ეკიპირებით...არ იყო საჭირო ეს ეკიპირება. ​
​
სპეც⁠რაზმი იყო გამოყვანილი - 3 200 კაცი მუშაობდა. 3 ლოკაცია იყო თავიდან, მერე იყო 8 და ბოლოს იყო 20 ლოკაცია. 3 200 ადამიანი რომ გავყოთ 20 ლოკაციაზე, დახლოებით 150 კაცი გამოვა. ფიზიკურად არ არის საშუალება. საშუალება რისიც იყო გამოვიყვანეთ...მოძალადეებს, რისი საშუალებაც იყო ვაკავებდით", - განაცხადა ვახტანგ გომელაურმა.

ჰომოფობიური, პუტინისტური და ძალადობრივი ჯგუფები 5 ივლისს, თბილისი პრაიდის საწინააღმდეგო აქციაზე ფიზიკურად გაუსწორდნენ სხვადასხვა მედიასაშუალების 53 წარმომადგენელს. ძალადობისთვის ამ დრომდე მხოლოდ 15 პირია დაკავებული.