ძლიერი წვიმის გამო საგანგებო სიტუაციების სამსახურში 40-მდე შეტყობინება შევიდა
დედაქალაქში უხვი ნალექის გამო საგანგებო სიტუაციების სამსახურში 40-მდე შეტყობინება შევიდა.
უხვმა ნალექმა თბილისსა და მის შემოგარენში პრობლემები შექმნა. წვიმის გამო, დაიტბორა რამდენიმე ქუჩა და მოქალაქეებს გადაადგილების პრობლემა შეექმნათ, ასევე მოქალაქეების ნაწილს სახლების პირველი სართულები დაეტბორათ.
