ჩვენი მთავარი და უპირველესი მოთხოვნა არის: დილამდე გადადგეს პრემიერ მინისტრი ღარიბაშვილი და მიყვეს უკან მისი მთავრობა და ასევე, სუს-ის უფროსი ლილუაშვილი, - ამის შესახებ მთავარი არხის დირექტორმა ნიკა გვარამიამ ქართული ოცნების ოფისთან, აქციაზე განაცხადა.

"დღეს, 18:00 საათზე რუსთაველზე მოსვლით წყვეტთ, გჭირდებათ თუ არა დემოკრატია, თავისუფალი მედია და ბოლო ბოლო, გჭირდებათ თუ არა სახელმწიფო, რომელიც თქვენია და არა ამ კორდონს უკან შეკრებილი ხალხის.

ჩვენი მთავარი და უპირველესი მოთხოვნა არის: დილამდე გადადგეს პრემიერმინისტრი ღარიბაშვილი და მიყვეს უკან მისი მთავრობა და ასევე, სუს-ის უფროსი ლილუაშვილი. ესენი არიან ადამიანები, ვინც დაგეგმეს და ორკესტრირებულად ჩაატარეს შავი ორშაბათი ქართული მედიის. ეს ადამიანები უნდა წავიდნენ", - თქვა გვარამიამ.

ტვ პირველის ოპერატორ ლექსო ლაშქარავას გარდაცვალების გამო დღეს, 18:00 საათზე რუსთაველზე აქცია გაიმართება.