საპატრიარქოს საზოგადოებასთან ურთიერთობის სამსახურის ხელმძღვანელი დეკანოზი ანდრია ჯაღმაძიე მწუხარებას გამოთქვამს ლექსო ლაშქარავას გარდაცვალების გამო და სამძიმარს უცხადებს მის ოჯახს.

დეკანოზი წუხს, საზოგადოების პოლარიზების გამო და აცხადებს, რომ "გვმართებს, ვიყოთ სიყვარულით სავსენი".

"ძალიან სამწუხარო არის, რომ ასეთი პოლარიზებული აღმოჩნდა ჩვენი საზოგადოება. ჩვენ გვმართებს, რომ ვიყოთ სიყვარულით სავსენი, ერთმანეთი გავაძლიეროთ და ამ ერთობაში ჩვენი ყველას საკეთებელი საქმე ვაკეთოთ. გვმართებს უფრო მეტი თანაგრძნობა.

მე მინდა, რომ სამძიმარი ვუთხრა ოჯახს, მის მეგობრებს, კოლეგებს. ნებისმიერი ადამიანის წასვლა, რა მიზეზიც არ უნდა იყოს, ჩვენი თანამოქალაქისა, არის ძალიან სამწუხარო," - განაცხადა დეკანოზმა ანდრია ჯაღმაიძემ.