ერთადერთი რაც კახა კალაძემ ხელშესახები გააკეთა, ავტობუსები იყიდა და დაარქვა რეფორმა. დანარჩენი ქალაქში სასიკეთოდ არაფერი შეცვლილა, -  ამის შესახებ პარტია „მოქალაქეების“ ერთ-ერთმა ლიდერმა, ალეკო ელისაშვილმა განაცხადა.

მისი თქმით, გამოჩნდა, რომ კახა კალაძე ნიჭიერი შოუმენია ხოლო როგორც მერი ნულის ფასია. "როგორც შოუმენი გამოჩნდა, რომ არის ნიჭიერი, ხოლო როგორც მერი და ქალაქის ხელმძღვანელი ნულის ფასია", - აღნიშნა მან.

„ერთადერთი რაც ხელშესახები გააკეთა, ავტობუსები იყიდა და ამას დაარქვა რეფორმა. დანარჩენი ქალაქში სასიკეთოდ არაფერი შეცვლილა. კამერებთან და სელფის ჯოხებთან პოზირება კარგად ეხერხება. იმასთან შედარებით, რაც შეიძლებოდა გაკეთებინა, არ გაუკეთებია. ამ გადასახედიდან, ოპოზიციიდან არ ჩანს ის მეტოქე, რომელიც კალაძეს რეალურ მეტოქეობას გაუწევდა. ოპოზიციის ერთიან კანდიდატზე საუბარი არის ზღაპარი და არ გამოვა. არც არავინ ჩანს გამოკვეთილი კანდიდატი, ვისაც შეიძლება ოპოზიციამ ხმა მისცეს. არ მიხარია, რომ კალაძე მომავალი ოთხი წელი მერი იქნება და კიდევ ოთხი მილიარდი უნდა დახარჯოს. მის კონკურენტს ჯერ ვერ ვხედავ", - თქვა ელისაშვილმა.