Pfizer-ით ვაქცინაცია ამიერიდან ამბულატორიულ დაწესებულებებშიც განხორციელდება. აქამდე ქვეყანაში Pfizer-ით ვაქცინაცია მხოლოდ ჰოსპიტალურ დაწესებულებებში ხორციელდებოდა. 

ჯანდაცვის მინისტრის მოადგილის თამარ გაბუნიას განმარტებით, Pfizer-ის რაოდენობიდან გამომდინარე, ასევე მიღებული გამოცდილებიდან და აცრების შემდეგ გვერდითი რეაქციების გათვალისწინებით, რომ განსაკუთრებით სწრაფად დაფიქსირებული გვერდითი რეაქციები არის მინიმალური.

"Pfizer-ით ვაქცინაცია შესაძლებელია ჩატარდეს ამბულატორიულ დაწესებულებებშიც. თბილისში არის რამდენიმე დიდი ძალიან გამოცდილი საოჯახო მედიცინის ცენტრი, ასე რომ ექსპერტების ჯგუფმა, ასევე უწყებათაშორისი საბჭოს წევრებმა, სავსებით მისაღებად მიიჩნიეს ფაქტი, რომ Pfizer-ით ვაქცინაცია დაიწყოს პოლიკლინიკურ ქსელშიც. დაახლოებით შვიდი დაწესებულებაა, რომელმაც გამოთქვა მზაობა Pfizer-ით ვაქცინაციის პროგრამაში ჩართვასთან დაკავშირებით“, – განაცხადა თამარ გაბუნიამ.