ახმეტის მუნიციპალიტეტის საკრებულოში „ნაციონალური მოძრაობის“ მაჟორიტარობის კანდიდატი სოფელ დუისიდან მალხაზ მაჩალიკაშვილი იქნება. ინფორმაცია ჟურნალისტებს პარტიის ლიდერმა, ნიკა მელიამ დაუდასტურა.

მელიამ თქვა, რომ ბრძოლის წინა ხაზზე უნდა იყოს ყველა, ვისაც ქვეყანა უყვარს.

„ყველა ადამიანი არის თანასწორი და როგორ არ უნდა იყოს. ყველა უნდა იყოს ბრძოლის წინა ხაზზე“, – განაცხადა ნიკა მელიამ.

თავად, მალხაზ მაჩალიკაშვილმა განაცხადა, რომ  ყველა ოპოზიციური პარტიის მხარდაჭერა აქვს.

"ჩემთვის მნიშვნელობა არ აქვს ნაციონალური მოძრაობა იქნება, ლეიბორისტები, ლელო, თუ ნებისმიერი, ჩემთვის მთავარია, ქართულ ოცნებას შევებრძოლო. გაერთიანებული ოპოზიციიდან, 5 ნომრით გავალ. ყველა პარტიის მხარდაჭერა მაქვს გარდა ქართული ოცნებისა", - თქვა მაჩალიკაშვილმა.