ძალიან ბევრი შეცდომა იქნა დაშვებული გიორგი გახარიას მმართველობის დროს – კლუბების წარუმატებელი ოპერაცია, პანკისის, გავრილოვის ღამის მართვა და ა.შ, რაშიც ქართულმა ოცნებამ ძალიან მაღალი ფასი გადაიხადა, პოლიტიკური. მთელი გუნდი მას გადაეფარა, შეინარჩუნა და გვერდში დაუდგა, - განაცხადა საქართველოს პრემიერ მინისტრმა ირაკლი ღარიბაშვილმა ყოფილ თანაგუნდელზე, პარტია საქართველოსთვის ლიდერ გიორგი გახარიაზე საუბრისას.

მისი თქმით, გიორგი გახარიამ უღალატა თავის გუნდს, სახელმწიფოს და მიატოვა ქვეყანა, როდესაც, როგორც ღარიბაშვილი ამბობს "თავზეგასული ადამიანის დაჭერას არ დაეთანხმა" და გადადგა.

"გახსოვთ ალბათ, რომ ძალიან ბევრი შეცდომა იქნა დაშვებული მისი მმართველობის დროს – კლუბების წარუმატებელი ოპერაცია, პანკისის, გავრილოვის ღამის მართვა და ა.შ, რაში ქართულმა ოცნებამ ძალიან მაღალი ფასი გადაიხადა, პოლიტიკური. მთელი გუნდი მას გადაეფარა, შეინარჩუნა, გვერდში დაუდგა. ერთ-ერთი კრიტიკული დრო როცა დადგა ქვეყანაში და ჩვენ გუნდში მან ღალატი ჩაიდინა სახელმწიფოს და ჩვენი გუნდის წინაშე.

რა თქმა უნდა, გიორგი გახარიამ უღალატა ჩვენს გუნდს, სახელმწიფო პირველ რიგში, მიატოვა ქვეყანა, მსოლიოს ისტორიაში არ მოიძებნება ანალოგი, როცა პრემიერი გადადგა მხოლოდ იმის გამო, რომ თავზეგასული ადამიანის დაჭერას არ დაეთანხმა, როცა წინა დღეს და წინა საათებში ის დაჟინებით, თავად ითოვდა მის დაკავებას.

კაცი, რომელიც ნდობას დაამსხვრებს, უღალატებს და ზურგში დანას ჩაარტყამს კრიზისულ სიტუაციაში, როგორ შეიძლება ამა ადამიანს ნდობა გამოუცხადო. ჩემ თვალში გიორგი გახარია ჩვეულებრივი მოღალატეა, უფრო მეტიც, ის იშვიათი მოღალატეა, სამეგრელოში ვარ და მეგრელები გამიგებენ, ის არის იშვიათი, მაზაკვალი მოღალატე – ამას კარგად გამიგებენ", - თქვა ღარიბაშვილმა.