ერთადერთი პოლიტიკური პარტია, ვისაც გამარჯვების შანსი აქვს დღევანდელ მოცემულობაში, ეს არის „ქართული ოცნება -დემოკრატიული საქართველო“, აცხადებს დედაქალაქის მერი კახა კალაძე. მისი განმარტებით, პირობას დებს, რომ თბილისელებს იმედებს აუცილებლად გაუმართლებს და იმაზე მეტს გააკეთებს, ვიდრე 4 წლის განმავლობაში გააკეთა.

"30 ათასამდე თანამშრომელი გყავს მუნიციპალიტეტში და რა თქმა უნდა, ამ ადამიანების დამსახურებაა, რომ ჩვენ მიმართ ასეთი კეთილგანწყობილი დამოკიდებულებაა. მინდა ყველა იმ ადამიანს მადლობა გადავუხადო, ვისაც ჩვენი იმედი აქვს.

მე პირობას ვაძლევ თბილისელებს, რომ იმედებს აუცილებლად გავუმართლებთ და იმაზე მეტს გავაკეთებთ, ვიდრე 4 წლის განმავლობაში გაკეთდა. დანარჩენთან დაკავშირებით დაველოდოთ 2 ოქტომბერს და ყველაფერი ნათელი იქნება. ერთადერთი პოლიტიკური პარტია, ვისაც გამარჯვების შანსი აქვს დღევანდელ მოცემულობაში, ეს არის „ქართული ოცნება -დემოკრატიული საქართველო“,- განაცხადა კალაძემ.