დაავადებათა კონტროლის ეროვნული ცნეტრის ხელმძღვანელის, ამირან გამყრელიძის ინფორმაციით, ივნისსა და ივლისსში ორჯერ აცრილი, დაახლოებით, 4 000 ადამიანი დაინფიცირდა კორონავირუსით, თუმცა უმეტეს შემთხვევაში მათი ჯანმრთელობის მდგომარეობა მსუბუქი იყო და ჰოსპიტალიზაციაც მცირე ნაწილს დასჭირდა. მისივე თქმით, სრულად აცრილებში, აცრის შემდეგომ ინფიცირებით, სამი ადამიანი გარდაიცვალა.

"მოგეხსენებათ, მედიცინაში აბსოლუტური არაფერია, ერთხელ და ორჯერ აცრილებში ინფიცირება ივნისი-ივლისის განმავლობაში გვქონდა, დაალოებით, ერთჯერ აცრილებში 5 000 შემთხვევა, ხოლო ორჯერ აცრილებში, დაახლოებით, 4 000 აცრის შემდგომი ინფიცირების შემთხვევა, მაგრამ უმრავლესობა ორჯერ აცრილებში იყო ძალიან მსუბუქი, ჰოსპიტალიზაცია ძალიან მცირე ნაწილს დასჭირდა. სამწუხაროდ, გვაქვს სამი გარდაცვალება ორჯერ აცრილებში", – თქვა ამირან გამყრელიძემ მედია ვებინარზე.