ნიუ-იორკში ცნობილ ცათამბჯენს უპილოტო თვითმფრინავი შეეჯახა
მცირე ზომის უპილოტო თვითმფრინავი ნიუ-იორკში ცნობილ ცათამბჯენს ”ემპაირ სტეიტ ბილდინგს” შეეჯახა.
პოლიციელებმა უპილოტო საფრენი აპარატის ოპერატორი დააკავეს. ის თვითმფრინავის მეშვეობით ფოტოსურათების გადაღებას ცდილობდა, მაგრამ მოულოდნელად მასზე კონტროლი დაკარგა.
საფრენი აპარატი 102-სართულიანი შენობის მე-40 სართულს შეეჯახა და 35-ე სართულის მოედანზე დაეცა.
ოპერატორმა შენობის დაცვას საფრენი აპარატის დაბრუნების თხოვნით მიმართა, მაგრამ მათ პოლიცია გამოიძახეს.
ცათამბჯენი სიმაღლის მიხედვით ნიუ-იორკის შენობებს შორის მესამე ადგილზეა, ქვეყანაში კი მეხუთეზე.
