საქართველოს შინაგან საქმთა სამინისტროს სტრატეგიული კომუნიკაციების დეპარტამენტის უფროსის ქეთი კოვზიაშვილის განცხადებით, "საქართველოს ბანკის" ყვარლის ფილიალში აყვანილი ყველა მძევალი არის თავისუფალი და მათ სიცოცხლეს საფრთხე არ ემუქრება.

"ყველა მძევალი თავისუფალია, შეტყობინების მიღებისთანავე დაიწყო აქტიური საგამოძიებო მოქმედებები, ამ წუთებშიც მიმდინარეობს. გამოძიება დაწყებულია. იყო თანხასთან დაკავშირებით მოთხოვნა. მიმდინარეობს პირის იდენტიფიცირება საგამოძიებო მოქმედებების ფარგლებში. არც ერთი მძევალი ბანკის შენობაში აღარ იმყოფება. არც ერთი ადამიანის სიცოცხლეს საფრთხე არ ემუქრება", - განაცხადა კოვზიაშვილმა.

თავდამსხმელი ბანკში დაახლოებით 15:00 საათზე შეიჭრა და მძევლები აიყვანა. დაუზუსტებელი ინფორმაციით, თავდამსხმელი ნახევარ მილიონ ლარს ითხოვდა.