აშშ-ის დაავადებათა კონტროლისა და პრევენციის ცენტრის (CDC) ინფორმაციით, COVID-19-ის საწინააღმდეგო ვაქცინით აცრილ ადამიანებში ვირუსით ინფიცირების შემთხვევაში 11-ჯერ დაბალია გარდაცვალების რისკი. ცენტრის კვლევის შედეგები გამოცემა The Hill-მა გაასაჯაროვა.

კვლევაში 600 ათასზე მეტი ადამიანი მონაწილეობდა.

CDC-ის მონაცემებით, არავაქცინირებული, ვირუსით ინფიცირებული  ადამიანების ჰოსპიტალიზაციის რაოდენობა 10-ჯერ უფრო მაღალია,ვიდრე ვაქცინირებულების. ასევე, აუცრელი პირები 4,5-ჯერ მეტად ინფიცირდებიან, ვიდრე სრულად ვაქცინირებული პირები.

„როგორც ჩვენი კვლევებით  დადგინდა, ვაქცინები მუშაობს. გავაკეთებთ ყველაფერს ქვეყნის მასშტაბით ვაქცინაციის მაჩვენებლების გასაზრდელად, ადგილობრივ საზოგადოებებთან თანამშრომლობით, რათა ვაქცინების მიმართ ნდობა კიდევ უფრო ამაღლდეს და ადამიანებს ჰქონდეთ ინფორმაცია გადაწყვეტილების მისაღებად. აცრა დაიცავს ჩვენს შვილებს და საშუალებას მისცემს მათ, სკოლებში უსაფრთხო პირობებში ისწალონ“, –  განაცხადა აშშ-ის დაავადებათა კონტროლისა და პრევენციის ცენტრის დირექტორმა, როშელ ვალენსკიმ.