კოვიდინფიცირებული ტყუპი, რომლებიც ქუთაისში კლინიკა "ბომონდის” ახალშობილთა ინტენსიური თერაპიის განყოფილებაში მკურნალობდა, გარდაიცვალა.

ტყუპი, რომლებიც 28 კვირის ორსულობაზე დაიბადნენ, სამედიცინო დაწესებულებაში ერთ თვეზე მეტი ხნის განმავლობაში მკურნალობდნენ.

"ტყუპები დაბადებისთანავე აპარატზე გადავიდნენ. რესპირატორული დისტრეს სინდრომით დაიბადნენ და დინამიკაში დამძიმდნენ. ორივე ტყუპი კოვიდდადებითი დაიბადა. კოვიდური პნევმონია ჰქონდათ. მთელი განყოფილება 24-საათიან რეჟიმში ვიბრძოდით მათი სიცოცხლისათვის. პატარებისთვის მკურნალობა და ყურადღება არ დაგვიკლია, თუმცა ამის მიუხედავად, სამწუხარო შედეგი დადგა", - ამბობს "კლინიკა ბომონდის" ახალშობილთა ინტენსიური განყოფილების ხელმძღვანელი, მარინა ბარათაშვილი.

47 წლის ქალმა საკეისრო კვეთით ტყუპი 19 აგვისტოს გააჩინა და 2 სექტემბერს გარდაიცვალა.