აშშ-ის სახელმწიფო დეპარტამენტში კომენტარი გააკეთეს  რუსეთის საპარლამენტო არჩევნებზე, რომელიც გუშინ დასრულდა.

 „რუსეთის ფედერაციის სახელმწიფო სათათბიროს არჩევნები, რომელიც 17-19 სექტემბერს გაიმართა, მიმდინარეობდა ისეთ პირობებში, რომელიც არ შეესაბამებოდა თავისუფალ და სამართლიან პროცესს. - რუსეთის მთავრობის მიერ გამოყენებულმა კანონებმა „ექსტრემისტული ორგანიზაციების“, „უცხოელი აგენტებისა“ და „არასასურველი ორგანიაციების“ შესახებ, სერიოზულად შეზღუდა პოლიტიკური პლურალიზმი და ხელი შეუშალა რუს ხალხს თავისი სამოქალაქო და პოლიტიკური უფლებების რეალიზებაში.

რუსეთის ხელისუფლების მიერ დაწესებულმა შეზღუდვებმა, რომლებსაც წინ უძღოდა ფართომასშტაბიანი ძალისხმევა პოლიტიკური მოღვაწეების მარგინალიზაციისაკენ, ასევე არ მისცა შესაძლებლობაა ეუთოსა და საპარლამენტო ასამბლეას დაკვირვებოდნენ არჩევნებს, რამაც მნიშვნელოვნად შეამცირა სამართლიანი არჩევნების აუცილებელი გამჭვირვალობა“, -  ნათქვამია სახელმწიფო დეპარტამენტის პრეს-სამსახურის განცხადებაში.

 „ეს ქმედებები ეწინააღმდეგება რუსეთის ვალდებულებებს, მათ შორის სამოქალაქო და პოლიტიკური სამართლის საერთაშორისო პაკტს, ასევე მის ვალდებულებას ეუთოსა და სხვა საერთაშორისო და რეგიონალური ორგანიზაციებისადმი. მოვუწოდებთ რუსეთს, დაიცვას საერთაშორისო ვალდებულებები ადამიანის უფლებებისა და ფუნდამენტური თავისუფლების შესახებ და შეწყვიტოს სამოქალაქო საზოგადოებაზე, პოლიტიკურ ოპოზიციასა და დამოუკიდებელ მედიაზე ზეწოლის კამპანია. ამის გარდა, არ ვაღიარებთ, რუსეთის სახელმწიფო სათათბიროს არჩევნების ჩატარებას სუვერენული უკრაინის ტერიტორიაზე და ვადასტურებთ ჩვენს ურყევ მხარდაჭერას უკრაინის ტერიტორიული მთლიანობისა და სუვერენიტეტის“, - აღნიშნულია აშშ-ის სახელმწიფო დეპარტამენტის განცხადებაში.