ნიკა მელიამ ირაკლი კობახიძეს, რომლის გინებაც არ გამიგია, დღე და ღამე ერთად ვართ და ერთ საქმეს ვაკეთებთ, გამოსტყუა დედის გინება, - განაცხადა  ქართული ოცნების აღმასრულებელმა მდივანმა, მამუკა მდინარაძემ ევროკავშირის წარმომადგენლობის ოფისთან პარტიის თავმჯდომარის, ირაკლი კობახიძისა და ენმ-ის თავმჯდომარისა და თბილისის მერობის კანდიდატის, ნიკა მელიას დაპირისპირებაზე საუბრისას.

"როგორც ჩანს, ნიკა მელია დღეს ძალიან გააღიზიანა ახალმა კვლევებმა, სადაც კახა კალაძეს კიდევ უფრო გაზრდილი აქვს რეიტინგი და ამ გაღიზიანების ფონზე მას დარცენია მხოლოდ დარჩენია მხოლოდ და მხოლოდ მძიმე პროვოკაციაზე წასვლა.

თქვენ წარმოიდგინეთ, ირაკლი კობახიძეს, რომლის გინებაც მე არ გამიგია, დღე და ღამე შტაბში ერთად ვართ, დღე და ღამე ერთად ვართ და ერთ საქმეს ვაკეთებთ, გამოსტყუა დედის გინება. წარმოიდგინეთ, სადამდე მიიყავანა ეს ძალიან გაწონასწორებული ადამიანი, დედის გინება გამოსტყუა, უმძიმესია",  - თქვა მდინარაძემ.

23 სექტემბერს ევროკავშირის წარმომადგენლობის ოფისთან მელია და კობახიძე ერთმანეთს სიტყვიერად დაუპირისპირდნენ.  მელიამ კობახიძეს "ივანიშვილის მონა, უნამუსო" უწოდა, კობახიძემ კი მელიას - "ნაბიჭვარი".