თუშეთიდან ტურისტების და ადგილობრივი მოსახლეობის ევაკუაციის პროცესი განახლდა. შინაგან საქმეთა სამინისტროს სასაზღვრო პოლიციის დეპარტამენტის ვერტფრენმა 50 ადამიანი უკვე ჩამოიყვანა თელავის აეროპორტში.

კახეთის გუბერნატორ ირაკლი შიოშვილის თქმით, მოსახლოებისა და ტურისტების გადმოსაყვანად კიდევ ორი რეისი განხორციელდება.

24 სეტემბერს, ფშაველი-აბანო-ომალოს დამაკავშირებელ გზაზე, უხვი ნალექის მოსვლის შედეგად თუშეთთან დამაკავშირებელი გზა დაზიანდა. ომალოში და მის მიმდებარე სოფლებში მყოფი საქართველოს, ასევე უცხო ქვეყნის მოქალაქეების თელავში ჩამოყვანის მიზნით, პროცესში სახანძრო-სამაშველო ძალების დეპარტამენტის თანამშრომლები სასაზღვრო პოლიციის ვერტმფრენების დახმარებით ჩაერთნენ.