შეერთებულმა შტატებმა განაცხადა, რომ ქვეყანაში შეუშვებენ  COVID-19-ის საწინააღმდეგო ვაქცინით აცრილ უცხო ქვეყნის მოქალაქეებს. თუმცა, როგორც  გამოცემა The Washington Post-ი იუწყება, შეზღუდვები, შესაძლოა, დარჩეს რუსული „სპუტნიკ V“-ით აცრილი პირებისთვის.  

ნოემბრიდან შეერთებული შტატები ამსუბუქებს შეზღუდვებს ტურისტების ფართო წრისთვის კორონავირუსის პანდემიის დაწყების შემდეგ.

ქვეყანაში შესვლის უფლება, სავარაუდოდ, არ მიეცემათ იმ მოქალაქეებს, რომლებიც რუსეთში დამზადებული ვაქცინა „სპუტნიკ V“-ით იქნებიან აცრილები.

არ არის გამორიცხული, რომ აშშ-ში, რუსეთის ასი ათასობით მოქალაქე შეზღუდვების ქვეშ მოექცეს.

„ეს დიდი პრობლემა იქნება რუსი მოგზაურებისათვის და იმ ადამიანებისთვის ქვეყნებში, რომლებიც „სპუტნიკV“-ით აიცრნენ“, - აღნიშნა ვირჯინიის უნივერსიტეტის პოლიტოლოგიის პროფესორმა ჯუდით ტვიგმა.

აშშ-ს ახალი გეგმა მოითხოვს, რომ უცხოელების უმეტესობა აცრილი იყოს იმ ვაქცინებით, რომლებასც უწყებების უმეტესობა აღიარებს. შედეგად, შტატებში ჩასვლა იმ პირებს შეუძლიათ, რომლებიც ვაქცინირებულები არიან  Pfizer-ის,  Moderna-ს, ასევე ჩინური Sinopharm-სა და Sinovac-ის ვაქცინებით.