„მაესტრო“ ხვალიდან ეთერში წარწერის გარეშე გავა. განცხადება ამის შესახებ ტელეკომპანიის გადაყენებულმა გენერალურმა დირექტორმა ბაია გადაბაძემ გააკეთა და აღნიშნა, რომ ის იმ ვალდებულების მიხედვით მოქმედებს, რომელიც აკისრია. 

"მე 4-ში, როცა შემომივიდა წერილი მაშინ ვთქვი, რომ ბაჩო კიკაბიძემ ეს მოგვცა იმ კონფიგურაციაში და იმ მენეჯმენტს მისცა ამ სახელის გამოყენების უფლება რაც იყო. ორშაბათიდან შესაძლოა მე აღარ ვიყო. სახელი არის ამ წუთას ლოგო-ბურთი ეკუვნის მაკა ასათიანს მის კომპანიას, სახელი ეკუთვნის ბაჩო კიკაბიძეს. შესაბამისად თუ მომთხოვა სახელი უნდა მოიხსნას, ეს არის ჩემი ვალდებულება,"-განაცხადა გადაბაძემ. 

ტელეკომპანია „მაესტროს“ საკონტროლო პაკეტის მფლობელი გიორგი გაჩეჩილაძე გახდა. მან ტელეკომპანიის 55%-იანი წილი შეიძინა. საჯარო რეესტრში უკვე ოფიციალურად რეგისტრირებულია ცვლილებები, რომლის თანახმადაც, გაჩეჩილაძემ გიორგი ებრალიძისა და ლევან ჩიკვაიძის წილები შეიძინა.

ამასთან, როგორც ბაია გადაბაძე აცხადებს, ტელევიზიის წილების ირგვლივ განვითარებული მოვლენები „მაესტროს“ სარედაქციო დამოუკიდებლობას საფრთხის ქვეშ აყენებს.