საქართველოს პრეზიდენტი სალომე ზურაბიშვილი IRI-ის და NDI-ის სადამკვირვებლო მისიის წარმომადგენლებსა და ევროპარლამენტარების დელეგაციას შეხვდა, რომლებიც თვითმმართველობის არჩევნებს დააკვირდებიან.

პრეზიდენტის ადმინისტრაციის ცნობით, შეხვედრაზე საუბარი შეეხო ადგილობრივ არჩევნებს, პრეზიდენტის როლს, არჩევნებში მონაწილე პოლიტიკურ აქტორების შორის არსებულ პოლარიზაციას და სამოქალაქო საზოგადოების როლს, არჩევნებში ქალების ჩართულობას და მათი გააქტიურების მნიშვნელობას.

"ევროპარლამენტის დელეგაციის ხელმძღვანელმა, მაიკლ გალერმა ისაუბრა თუ რამდენად მნიშვნელოვანია 2 ოქტომბრის არჩევნებზე დაკვირვება და იმედი გამოთქვა, რომ არჩევნები გამჭვირვალედ და მშვიდად ჩატარდებას. საუბარი შეეხო ასევე, შარლ მიშელის დოკუმენტს და ევროკავშირთან ასოცირებისათვის განსახორციელებელი რეფორმების გასაგრძელების მნიშვნელობას. როგორც დელეგაციის ხელმძღვანელმა აღნიშნა, მათ სჯერათ ქვეყნის ევროპული გზის და ამ გაზე წარმატებებს უსურვებენ საქართველოს", - იუწყება პრეზიდენტის ადმინისტრაცია.

ევროპარლამენტარები: მაიკლ გალერი, მირიამ ლექსმანი, მარინა კალიურანდი, კატალინ ჩეჰი, მარკეტა გრეგოროვა, ჯორდი სოლე და ანა ფოტიგა, ორბელიანების სასახლეში გამართულ შეხვედრას ევროკავშირის ელჩთან კარლ ჰარცელთან ერთად ესწრებოდნენ.

დღესვე, სალომე ზურაბიშვილი დღეს ცესკოს თავმჯდომარეს გიორგი კალანდარიშვილს შეხვდა. შეხვედრისას, რომელიც ორბელიანების სასახლეში გაიმართა, ისაუბრეს მოახლოებული თვითმმართველობის არჩევნების მზადების პროცესთან დაკავშირებით.

ცესკოს თავმჯდომარემ პრეზიდენტს მიაწოდა ინფორმაცია არჩევენების უფრო მეტად გამჭვირვალედ, კოვიდრეგულაციების დაცვითა და უსაფრთხოდ ჩატარებისათვის გაწეული ღონისძიენებისა და იმ სიახლეების შესახებ, რომელიც 2 ოქტომბრის არჩევნებისათვის იგეგმება, ასევე იმ საპილოტე პროექტის თაობაზე, რომელიც თბილისის ერთ-ერთ საარჩევნო ოლქში ხმის მიცემის და დათვლის პროცესში ელექტრონული ტექნოლოგიების გამოყენებას გულისხმობს. პრეზიდენტმა და ცესკოს თავმჯდომარემ  ასევე ისაუბრეს საარჩევნო პროცესში სადამკვირვებლო მისიების ჩართულობის მნიშვნელობაზე.