საბერძნეთის დედაქალაქ ათენში საქართველოს მოქალაქე, 34 წლის ელისო ვარდანიძე გარდაიცვალა.

ელისო ვარდანიძე გრიპის ვირუსის გართულებული ფორმით ათენის ერთ-ერთ საავადმყოფოში გარდაიცვალა.

ვარდანიძეების ოჯახი გარდაცვლილის სამშობლოში გადმოსვენებას ვერ ახერხებს და დახმარებას საქართველოს ხელისუფლებას სთხოვს, თუმცა უშედეგოდ.

სულ ახლახანს ცნობილი გახდა, რომ ელისო  ვარდანიძის  სამშობლოში გადმოსვენების ხარჯებს ათენში მყოფი ემიგრანტები შეაგროვებენ. ისინი თანხის შეგროვებას დღეს დილიდან შეუდგნენ. როგორც ისინი აცხადებენ, ვინაიდან სახელმწიფო ვერ უზრუნველყოფს ახალგაზრდა გოგონას გადმოსვენების ხარჯებს, ისინი უცხო მიწაზე არ დატოვებენ და ყველაფერს იზამენ, რომ ელისო, საკუთარ მიწაზე დაიკრძალოს.