"ერთის მხრივ, მისი მამაცი პოზიცია, რომ ის არ თმობს უკრაინის მოქალაქეს და მის მეგობარს ციხეში, ადამიანურად მისასალმებელია, რადგან ამას გამბედაობა სჭირდება და ამას ხშირ შემთხვევაში, ვერ აკეთებენ ხოლმე", - ასე გამოეხმაურა ნაციონალური მოძრაობის წარმომადგენელი ეკა ხერხეულიძე უკრაინის პრეზიდენტის, ვოლოდიმირ ზელენსკის განცხადებას, რომელიც მან სააკაშვილთან დაკავშირებით გააკეთა. ხერხეულიძის განმარტებით, მისთვის ძნელად გადასატანი იქნება თუ მიხეილ სააკაშვილს სხვა ქვეყანას გავატანთ.

"ის, რომ მიხეილ სააკაშვილი, ქვეყანაში თავისი რისკის ფასად შემოსული ისევ გავატანოთ სხვა ქვეყანას, ჩემთვის ეს არ იქნება მარტივი გადასაწყვეტი ადამიანურად, იმიტომ, რომ ეს საქართველოს თითოეულ მოქალაქეზეა დამოკიდებული, მათ ნებაზე, მტკიცე პოზიციაზე, რამდენად დასაშვები იქნება ეს ფაქტი. უბრალოდ ეს არჩევანია - ჩვენ გავატანთ, თუ არა სხვა ქვეყანას მიხეილ სააკაშვილს”, - აცხადებს ხერხეულიძე.