ლანჩხუთში შინდისის გმირის საფლავი გაძარცვეს
ლანჩხუთში, ნიგოითის თემის რამდენიმე სოფელში, საფლავები გაძარცვეს. იუწყება "გურიანიუსი"
ნიგოითის ადმინისტრაციულ ერთეულში მერის წარმომადგენლის გიგა დოლიძის ინფორმაციით, გაძარცვულია სამი სოფლის სასაფლაო.
"სამწუხაროდ, ეს ფაქტი სიმართლეს შეესაბამება. გაძარცვულია ქვიანის, ჭონაგორისა და ნიგოითის სოფლის სასაფლაოები, საიდანაც მოხსნილია და წაღებულია ალუმინის მასალები", - ამბობს გიგა დოლიძე "გურიანიუსთან" საუბრისას.
მისივე თქმით, სოფელ ქვიანში ასევე გაძარცვულია შინდისის გმირის, რუსლან წულაძის საფლავიც.
ფაქტზე აღძრულია სისხლის სამართლის საქმე და მიმდინარეობს გამოძიება.
