საქართველოს შინაგან საქმეთა მინისტრმა ვახტანგ გომელაურმა ჟურნალისტებთან განუცხადა, რომ ბათუმში, კორპუსის ნანგრევებში მაშველები სავარაუდოდ კიდევ სამ ადამიანს ეძებენ

„სამწუხაროდ, ხუთი გარდაცვლილი ადამიანია ნანახი გუშინდელი ჩემი კომენტარის შემდეგ. გადასვენებული არიან პროზექტურაში. ჩვენი ინფორმაციით, რაც ვიმუშავეთ და თითქმის დაზუსტებით შეგვიძლია, ვთქვათ, რომ ვეძებთ სამ ადამიანს. წესით მეტი არავინ უნდა იყოს, ჩვენი ოპერატიული ინფორმაციით.

რაც შეეხება პასუხისგებაში მიცემას, იცით, რომ სამი ადამიანი მივეცით პასუხისგებაში. ბინის მეპატრონე და ორი ადამიანი, რომლებიც აწარმოებდნენ პირველ სართულზე სავარაუდოდ სამუშაოებს. ჯერ დაზუსტებით ვერ გეტყვით. სასამართლო დაადგენს, მათი ბრალეულობა იყო, თუ რამე სხვამ გამოიწვია ნგრევა“, – განაცხადა ვახტანგ გომელაურმა.