შეერთებულ შტატებში დააკავეს სამხედრო ინჟინერი და მისი ცოლი, რომლებიც საღვარგარეთ ამერიკული ბირთვული წყალქვეშა ნავების შესახებ საიდუმლო მონაცემების გაყიდვას ცდილობდნენ. აშშ-ის იუსტიციის დეპარტამენტის პრესსამსახურის ინფორმაციით, ერთი წლის განმავლობაში წყვილი ჯონათან და დიანა თოებეეები საიდუმლო მასალებს აწვდიდნენ გამოძიების ფედერალური ბიუროს აგენტს, რომელიც თავს უცხო ქვეყნის მთავრობის წარმომადგენლად ასაღებდა.

ოჯახური წყვილს ბრალი დანაშაულებრივ შეთქმულებასა და ბირთვული ენერგიის შესახებ კანონის სავარაუდო დანაშაულისთვის წაუყენეს.

ჯონათან თოებე მუშაობდა ბირთვულ ინჟინრად აშშ-ის სამხედრო-საზღვაო ძალებში ბირთვული დანადგარების შემუშავების პროგრამაში  და ჰქონდა წვდომა სახელმწიფო საიდუმლოს შემცველ მონაცემებზე, მათ შორის ელემენტების დიზაინზე, რეაქტორების მუშაობის პარამეტრებსა და მახასიათებლებზე, რომელიც ბირთვულ წყალქვეშა ნავებზე გამოიყენება.

გამოძიების თანახმად, 2020 წლის 1 აპრილს თოებემ ფოსტით უცხო ქვეყნის მთავრობას გაუგზავნა საიდუმლო მასალების ნაწილი და შესთავაზა დანარჩენი მონაცემების გაგზავნაც. ეს წერილი ხელში ჩაიგდო გამოძიების ფედერალურმა ბიურომ, რის შემდეგაც ინჟინრისა და მისი ცოლის მიმართ დაიწყო თვალთავლი.  

2021 წლის ივნისში, ოჯახური წყვილი გაემგზავრა დასავლეთ ვირჯინიაში, სადაც კაფეში აპირებდა საიდუმლო მონაცემების დატოვებას.  ჯონათან თოებემ ცოლის დახმარებით სენდვიჩში მოათავსა  SD-ბარათი საიდუმლო მასალებით. 2021 წლის 28 აგვისტოს წყვილმა ჩაატარა მსგავსი ოპერაცია, მაგრამ ამ ჯერზე მინაცემების მატარებელი მოათვსა საღეჭი რეზინის შეფუთვაში.

2021 წლის 9 ოქტომბერს სავარაუდო დამნაშავეები დააკავეს. თუ რომელი ქვეყნისთვის აპირებდა წყვილი ამერიკული ბირთვული წყალქვეშა ნავების რეაქტორების გეგმის გადაცემას, იუსტიციის დეპარტამენტის ინფორმაციაში საუბარი არ არის.