ბრიტანული გამოცემა The Sun უსაფრთხოების სამსახურის უცნობ წყაროზე დაყრდნობით წერს, რომ რუსმა ჯაშუშებმა მოპარეს AstraZeneca-ს პრეპარატის შემქმნელებს კორონავირუსის საწინააღმდეგო ვაქცინის ფორმულა. გაზეთის წყაროების თქმით, მათ აქვთ მტკიცებულება იმისა,რომ უცხოელმა აგენტმა დაამზადა ყველა მონაცემის ასლები, რომლებიც საჭირო იყო ვაქცინის შესაქმენლად. თუ როდის მოხდა ეს - გამოცემა არ აკონკრეტებს.

რუსული ვაქცინა Sputnik V მსფლიოში პირველი დარეგისტრირდა. ეს მოხდა გასული წლის აგვისტოში. ის, როგორც ბრიტანული AstraZeneca, წარმოადგენს ვექტორულ ვაქცინას, რომელიც შექმნილია ადენოვირუსების საფუძველზე.

Sputnik V-მა ჯანმრთელობის მსოფლიო ორგანიზაციაში რეგისტრაცია დღემდე ვერ გაიარა. გასულ თვეში რუსეთის ხელისუფლება ამტკიცებდა, რომ ყველა ბარიერი გადალახულია და უახლოეს ხანებში აღნიშნული საკითხი გადაიჭრება.