ლიბანის დედაქალაქ ბეირუთში საპროტესტო აქციის დროს ხუთი ადამიანი დაიღუპა.
 
დემონსტრანციის  დროს იტენსიური სროლა დაიწყო. არმიის წარმომადგენლებმა აქციის მონწილეები გააფრთხილეს, რომ ცეცხლს ნებისმიერ შეიარღებულ პირს გაუხსნიდნენ. ინფორმაციას BBC ავრცელებს.

დემონსტრაციაში რადიკალური მოძრაობის „ჰეზბოლასა“ და მოძრაობა „ამალის“ მხარდამჭერები მონაწილეობდნენ, რომლებიც ბეირუთის პორტში გასულ წელს მომხდარი აფეთქების საქმის მთავარი მოსამართლის გადადგომას ითხოვენ. ადგილზე მობილიზებულია სამხედრო დანაყოფები.

აქციის მონაწილეთა თქმით, მათ სნაიპერებმა გაუხნეს ცეცხლი, რასაც არეულობა მოჰყვა.

გავრცელებული ინფორმაციით, გარდაცვლილთა შორის ორი მამაკაცია. მათ ცეცხლსაროლი იარაღიდან ტყვია თავისა და მკერდის არეში მოხვდათ, ასევე, ქალი, რომელიც შემთხვევითმა ტყვიამ საკუთარ სახლში იმსხვერპლა.