საქართველოს მესამე პრეზიდენტმა მიხეილ სააკაშვილმა შესაძლოა ციხეში მნახველების მიღება შეწყვიტოს. შიმშილობის მე-18 დღეს ყოფილი პრეზიდენტის მდგომარეობა იმდენად დამძიმდა, რომ მესამე სართულზე მდებარე საკნიდან პირველ სართულზე დღეში რამდენჯერმე ჩასვლა აღარ შეუძლია.

"დღეს პირველად მომეცა შესაძლებლობა მასთან ვიზიტის. ამიტომ დღეს მე პირადად ვნახავ, პირადად დაველაპარაკები. მე როგორც მისი მეგობარი და თანამებრძოლი შევაფასებ მის მდგომარეობას და  ამის მიხედვით გადავწყვიტავთ შემდეგ როგორ მოვიქცევით. ის იმდენად მებრძოლი ადამიანია და ძლიერია შინაგანად, რომ დარწმუნებული ვარ, ის ყოველთვის ჩვენს გვერდში იქნება და რა თქმა უნდა, ჩვენც ჩვენი მხრიდან თანადგომას და ყურადღებას მას არ მოვაკლებთ, - ამბობს დეპუტატი კობა ნაყოფია,