საფრანგეთში საქართველოს მოქალაქეები დააკავეს. მათ სიგარეტის კონტრაბანდის სქემის შექმნას და მოპარული ავტომობილების გაყიდვას ედავებიან.

საფრანგეთის ჟანდარმერიის ინფორმაციით, ქალაქ ამიენის პოლიციამ 61 ჩხრეკა ჩაატარა და სომხებისა და ქართველების ჯგუფები დააკავა.

მედიის ცნობით, სამართალდამცველებმა სულ 37 ადამიანი აიყვანეს. ირკვევა, რომ დაკავებულები პოსტსაბჭოთა ქვეყნებიდან იაფიან თამბაქოს ეზიდებოდნენ და მოგებიდან წილი ქართველ ე.წ. კანონიერ ქურდებთან მიჰქონდათ. გამოძიების ინფორმაციით,  "რუსულენოვან მაფიასთან" დაკავშირებულ პირებს თვეების განმავლობაში უთვალთვალებდნენ.
ჩხრეკის შედეგად ამოღებულია 215 000 ევრო.