ევროპარლამენტარები ანდრიუს კუბილიუსი, რასა იუნკევიჩიენე, რიჰო ტერასი, მირიამ ლექსმანი და სანდრა კალნიეტე განცხადებას ავრცელებენ, სადაც გამოდიან მოწოდებით, რომ გათავისუფლდეს მიხეილ სააკაშვილის, ვიდრე მის საქმეს განიხილავს ადამიანის უფლებათა ევროპული სასამართლო.

საქართველომ, ევროკავშირის ასოცირებულმა ქვეყანამ, აიღო ვალდებულება, დაიცვას ევროპული ღირებულებები და პრინციპები, როგორებიცაა დემოკრატია, ადამიანის უფლებები და კანონის უზენაესობა.

ქართველი ხალხი საქართველოს ევროპული მისწრაფებების ძლიერი მხარდამჭერია. საქართველოს ევროპელი პარტნიორები მოელიან, რომ მთავრობა და მმართველი პარტია სრულად განახორციელებენ და დაიცავენ ამ პრინციპებსა და სტანდარტებს.

ახალგაზრდა ევროპულ დემოკრატიულ ქვეყნებში, რომლებიც ჯერ კიდევ ებრძვიან პოსტ-ტოტალიტარულ პოსტსაბჭოთა ჩვევებს, როგორც ეს იყო იანუკოვიჩის დროინდელ უკრაინაში, ჩანს, რომ პოლიტიკური ოპოზიციის ლიდერის, ყოფილი პრეზიდენტის ან პრემიერმინისტრის დაკავება და პატიმრობა მსოფლიოს უგზავნის გამაფრხილებელ სიგნალს, რომ ამ ქვეყანაში დემოკრატია და კანონის უზენაესობა შეიძლება გაუარესდეს.

ის ფაქტი, რომ საქართველოში ოპოზიციის ლიდერი და ყოფილი პრეზიდენტი ციხეშია, ბადებს კითხვას დევნის პოლიტიკური შემადგენელის შესახებ. პრემიერ-მინისტრ ღარიბაშვილის საჯარო განცხადებები მხოლოდ ადასტურებს პოლიტიკურ მოტივებს ბატონი სააკაშვილის წინააღმდეგ აღძრული საქმეების უკან, რაც სრულიად მიუღებელია ევროპული ტიპის მართლმსაჯულების სისტემაში და ძირს უთხრის საქართველოს ხალხის ევროპულ არჩევანს.

საქართველოს ევროპული მომავალი საფრთხეშია. მთავრობასა და მმართველ პარტია „ქართული ოცნებას“ ამ ეტაპზე ყველაზე დიდი პასუხისმგებლობა ეკისრება ამ სიტუაციაზე და მისი მოგვარების საქმეში. ისინი არჩევანის წინაშე დგანან - გააგრძელონ უარყოფითი შედეგების გამოწვევა, გააძლიერონ პოლარიზაცია და უნდობლობა შიდა და საერთაშორისო დონეზე, სანამ სააკაშვილი ციხეში დარჩება, ან ყურადღება გაამახვილონ კანონის უზენაესობისა და ევროპული ტიპის მართლმსაჯულების სტანდარტების დაცვაზე, რაც გადამწყვეტია საქართველოს ევროპული მისწრაფებებისთვის.

სააკაშვილის საქმე გადაეცა ადამიანის უფლებათა ევროპულ სასამართლოს. ეს არის გზა, რათა ევროპული მართლმსაჯულებით გადავწყვიტოთ საქართველოს მომავლისათვის უმნიშვნელოვანესი საქმე და ევროკავშირი ყურადღებით დააკვირდება მის განხილვებს და იმოქმედებს მისი დასკვნების შესაბამისად. სანამ ადამიანის უფლებათა ევროპული სასამართლო განიხილავს საქმეს, სააკაშვილი უნდა გათავისუფლდეს ციხიდან, - ნათქვამია წერილში.