როდესაც საქართველოს დევნილი მესამე პრეზიდენტი ბრუნდება, ეს არის გმირობის აქტი და ზვიად გამსახურდიას გზის გაგრძელება, - ამის შესახებ საქართველოს მესამე პრეზიდენტის ადვოკატმა, ბექა ბასილაიამ განაცხადა, რომელიც სასჯელაღსრულების დაწესებულებაში, მიხეილ სააკაშვილისთვის ბრალის ოფიციალურად წარდგენას დაესწრო.

ბექა ბასილაიას განცხადებით, ბრალის ოფიციალურად წარდგენას თავად მიხეილ სააკაშვილი არ დასწრებია. პროკურორმა ბრალდების დადგენილება ციხეში მხოლოდ ადვოკატებს გააცნო.

"მიხეილ სააკაშვილმა შეგნებულად, საიმისოდ, რომ "ქართულ ოცნებას" არ ჰქონოდა პროვოკაციების საბაბი და არ მოეწყო დაპირისპირება ქართველ ხალხს შორის, აირჩია უმძიმესი, ურთულესი და გმირული გზა საქართველოში დასაბრუნებლად. როდესაც საქართველოს დევნილი მესამე პრეზიდენტი ბრუნდება, ეს არის გმირობის აქტი და ეს არის ზვიად გამსახურდიას გზის გაგრძელება. მადლობა "ქართულ ოცნებას", რომ ეს ასახეს დოკუმენტურად. ეს არის ისტორიული დოკუმენტი. მრავალი წელი გავა და ქართველი ხალხი იამაყებს მესამე პრეზიდენტის მიერ გადადგმული ამ ნაბიჯით", - განაცხადა ბექა ბასილაიამ.

ამასთან, ადვოკატმა ბასილაიამ ისაუბრა ელგუჯა ცომაიას თაობაზეც, რომელსაც პროკურატურამ ბრალი დაუმძიმა იმ მიზეზით, რომ ის მიხეილ სააკაშვილს საზღვრის უკანონოდ კვეთაში დაეხმარა.

"ცომაია არის ნამდვილად ღირსეული ადამიანი, რომელიც საქართველოს მესამე პრეზიდენტს და შესაბამისად, ქართველ ხალხს და ქართულ საზოგადოებას დაუდგა გვერდით. გავა დრო და ელგუჯა ცომაია გმირად ჩაეწერება", - აცხადებს ბასილაია.

შეგახსენებთ, რუსთავის მე-12 დაწესებულებაში მიხეილ სააკაშვილს საზღვრის უკანონო კვეთის ფაქტზე ბრალი წარედ