პარტია "ერთიანი საქართველოს" ლიდერი ნინო ბურჯანაძე ბათუმში, "ნაციონალური მოძრაობის" მიერ ორგანიზებულ აქციაზე სიტყვით გამოვიდა.

ნინო ბურჯანაძემ აქციაზე შეკრებილ მოქალაქეებს მიმართა და განაცხადა, რომ ახლა არ არის ძველი წყენების გახსენების დრო, ვინაიდან ქვეყანა გადასარჩენია.

მისივე თქმით, პრინციპულად მნიშვნელოვანია, რომ 30 ოქტომბერს არჩევნების მეორე ტურში ოპოზიციამ გაიმარჯვოს.

"დღეს, საქართველოს მოსახლეობის აბსოლუტური უმრავლესობა, ერთად დადგა. ყველამ თქვა, რომ ახლა არ არის გარჩევების დრო ძველი წყენების გახსენების დრო, მტყუან-მართალის გარჩევის დრო, ახლა ქვეყანა უნდა გადავარჩინოთ და ამ ქვეყანას, ჩვენს სამშობლოს, ერთობის, ყველას გაერთიანების, წყენის გვერდზე გადადებისა და საქმეების გარჩევის გადადების გარეშე, ვერ გადავარჩენთ და მაშინ ეს პატარა ბავშვები, რომლებიც ახლა პირველ რიგში არიან, მოგვიბრუნდებიან და გვეტყვიან, რომ ჩვენ არ გვეყო, არც ჭკუა, არც გონიერება, არც გული, რომ ყველანაირ ემოციებზე მაღლა დავმდგარიყავით და პირველ რიგში მათი მომავალი დაგვეყენებინა", - თქვა ბურჯანაძემ.