კახეთში ცოლ-ქმარს ფიზიკურად გაუსწორდნენ
თელავში ვახტანგიშვილების ოჯახი დააყაჩაღეს - არსებული ინფორმაციით, ცოლ-ქმარს ჯერ ფიზიკურად გაუსწორდნენ, შემდეგ კი სახლიდან ძვირფასეულობა და გარკვეული რაოდენობის თანხა წაიღეს.
როგორც მეზობლები ამბობენ, ხნიერი ქალბატონი მძარცველებმა დააბეს და მას ძირითადი დაზიანებები თავის არეში აქვს მიყენებული. მეუღლეს კი ამ ინციდენტის შედეგად ინსულტი განუვითარდა.
პოლიციას ჯერ არავინ დაუკავებია. მომხდარ ფაქტზე სისხლის სამართლის საქმე აღიძრა.
