არჩევნებია დღეს. ერთ მხარეს არის სტაგნაცია, ჭაობი, წუმპე მეორე მხარეს არის შანსი, - წერს თბილისის ვიცემერობის კანდიდატი ოპოზიციიდან, გირჩი - მეტი თავისუფლება ლიდერი ზურაბ ჯაფარიძე Facebook-ზე.

ერთ მხარეს არის კორუფცია, ნეპოტიზმი, მეორე მხარეს არის შანსი

ერთ მხარეს არის უიმედობა, უპერსპექტივობა, ნიჰილიზმი, მეორე მხარეს არის შანსი

ერთ მხარეს არის შეჩერებული ინვესტიციები, მილიარდობით ვალები, კატასტროფულად გაზრდილი ფასები, გაზრდილი გადასახადები, მეორე მხარეს არის შანსი

ერთ მხარეს არის ტყუილი, უტიფრობა, თავხედობა, ცინიზმი, ვირეშმაკობა, გადაგდება, ზიზღი, მეორე მხარეს არის შანსი

ერთ მხარეს არის ერთი ადამიანის ხუშტურებზე მოხტუნავე მონათა გუნდი, მეორე მხარეს არის შანსი,

ერთ მხარეს არის საბჭოთა საქართველო თავისი პარტიული ლიდერებით, სუსით, ქურდებით, ინწილიგენციით და ვითომ სასულიერო პირებით, მეორე მხარეს არის შანსი

ერთ მხარეს არის ბედნიერი რუსეთი, მეორე მხარეს არის შანსი,

პირველ მხარეს დგანან მეტწილად სხვადასხვა ჯურის წურბელები, რომლებიც ამ ქვეყნის გაღატაკებული ადამიანების მიერ შექმნილ დოვლათს ჭამენ სხვადასხვა გზებით,

მეორე მხარეს დგანან ეს ღატაკი ადამიანები როლებიც ყოველდღიურად წვალობენ, შრომობენ რომ საკუთარი თავი და ოჯახი შეინახონ,

ერთ მხარეს არის სასოწარკვეთილი, სუსტი, ღარიბი, საუკეთესო ახალგაზრდებისგან დაცლილი საქართველო, სადაც სადღეგრძელოებში იფხანენ გაუპატიურებულ ეგოს

მეორე მხარეს არის შრომა, ბრძოლა და შანსი,თავისუფლების შანსი

დღეს თუ ამას ვერ ხედავ, ან სათვალე გჭირდება ან სინდისი”, - წერს ჯაფარიძე.