საქართველო ერთადერთი ქვეყანაა, სადაც ყველა გამარჯვებას ზეიმობს, ოპოზიციაც, ხელისუფლებაც, ასეთი ტრადიცია გვაქვს ბოლო პერიოდში, - განაცხადაქართული ოცნების ერთერთი ლიდერი მამუკა მდინარაძე TV იმედის ეთერში.

მისი თქმით, ორ ოლქში, სადაც ცდომილების ზღვარია. ცესკო-ს შედეგებს დაელოდებიან.

"საქართველო ერთადერთი ქვეყანაა, სადაც ყველა გამარჯვებას ზეიმობს, ოპოზიციაც, ხელისუფლებაც, ასეთი ტრადიცია გვაქვს ბოლო პერიოდში, მაგრამ ის მონაცემები, ცოტა სერიოზულად რომ ვთქვათ, რაც გვაქვს პარტიული ხაზით, შემდეგ ეგზიტპოლით, ახლა გაცილებით უფრო ახლოს არის ერთმანეთთან, პრაქტიკულად იდენტურია, სხვა დროს მთლად ასე არ იყო, რატომღაც უფრო მეტი განსხვავება იყო ხოლმე, მაგრამ მთავარია ცესკოს მონაცემები და ნამდვილად მჯერა, რომ ცესკოს მონაცემებიც იგივე იქნება პრაქტიკულად, მაგრამ იქ, სადაც ცდომილების ზღვარშია, ორი კანდიდატია სულ, იქ დაველოდოთ კარგად, თუმცა, დარწმუნებული ვარ, რომ ოცივე მუნიციპალიტეტში მოვიგებთ დამაჯერებლად და ეს იქნება არამხოლოდ ჩვენი გამარჯვება, ეს იქნება ქვეყნის გამარჯვება", - თქვა მდინარაძე.