ჟენევაში ჯო ბაიდენისა და ვლადიმირ პუტინის პირველი შეხვედრის შემდეგ ორივე მხარე აწარმოებდა დახურულ ფორმატში მოლაპარაკებებს სხვადასხვა თემაზე, იუწყება ამერიკული გაზეთი The New York Times ანონიმ წყაროზე დაყრდნობით. მისი ინფორმაციით, აშშ-ს ამ მოლაპარაკებებზე წარმოადგენს პრეზიდენტის თანაშემწე ეროვნული უსაფრთხოების საკითხებში ენ ნიურნბერგერი.

გაზეთი წერს, რომ ივნისის სამიტის შემდეგ შედგა „კონტაქტების მთელი სერია“ აშშ-სა და რუსეთს შორის. კერძოდ, ამერიკის ადმინისტრაციის მაღალი რანგის პირები სამჯერ იმყოფებოდნენ მოსკოვში. ამის გარდა, გაიმართა შეხვედრები ნეიტრალურ ტერიტორიაზე - ფინეთსა და შვეიცარიაში. „ორივე ქვეყნის ოფიციალური პირები ამბობენ, რომ მოლაპარაკებათა სერიამ, ჯერჯერობით მცირე შედეგი მოიტანა, თუმცა აღნიშნული მოლაპარაკებები ხელს უწყობს რუსეთ-ამერიკის ურთერთობებში დაძაბულობის კონტროლიდან გამოვსლის შეჩერებას“, - აღნიშნავს გამოცემა.  

ეყრდნობა რა ამერიკის ადმინსიტრაციის მაღალი თანამდებობის პირს, NYT აღნიშნავს, რომ აშშ „ძალიან ნათლად აცნობიერებს“ პუტინისა და კრემლის განზრახვას, მაგრამ მიაჩნიათ შესაძლებლად ერთობლივი მუშაობა ისეთ საკითხებში, როგორიცაა კონტროლი შეიარაღებაზე.

ამის გარდა, გამოცემის წყარო ამბობს, რომ აშშ და რუსეთი მჭიდროდ თანამშრომლობენ ირანთან ბირთვული გარიგების განახლებასთან დაკავშირებულ პრობლემაზე, ასევე ჩრდილოეთ კორეასთან ურთოერთობებზე.

როგორც The New York Times-ი აღნიშნავს, აშშ-მა რუსეთს გადასცა კიბერთავდასხმებში ეჭვმიტანილების ვინაობა, რათა დაინახოს მოყვება თუ არა ამ ნაბიჯებს დაპატიმრებები. ამასთან, ვაშინგტონი ამოწმებს, რამდენად სერიოზულია პუტინის დაპირებები კიბერდანაშაულთან წინააღმდეგ ბრძოლაში. ამის გარდა, აშშ და რუსეთი ამ დროისათვის აწარმოებენ სერიოზულ და „ბოლო წლებში ყევლაზე ღრმა დიალოგს შიარაღებაზე კონტროლის თაობაზე.

ბაიდენისა და პუტინის პირველი შეხვედრა 16 ივნისს ჟენევაში გაიმართა. სამიტზე ორივე ლიდერი შეთანხმდა კიბერუსაფრთხოების შესახებ კონსულტაციების დაწყებაზე. ბაიდენის თქმით, ჟენევაში პუტინს განუმარტა, რომ აშშ-ს მკაცრი რეაგირება ექნება ქმედებებზე, რომელიც ამერიკისა და მისი მოკავშირეების ინტერესებს დააზიანებს.