უკრაინის უმაღლესი რადის დეპუტატმა გეო ლეროსმა პრეზიდენტ ვოლოდიმირ ზელენსკის უხამსი ჟესტი უჩვენა.

როგორც უკრაინული მედია იუწყება, ინციდენტი იმ დროს მოხდა, როდესაც პარლამენტის სხდომაზე, განიხილებოდა ქვეყნის თავდაცვის მინისტრის პოსტზე ალექსეი რეზნიკოვის დანიშვნის საკითხი.

ლეროსიმ, რომელიც სიტყვით გამოდიოდა, ზელენსკის „მოღალატე“ უწოდა. პრეზიდენტს მის მიმართვაზე რეაქცია არ ჰქონია, ლეროსს კი მიკროფონი გამოურთეს. დეპუტატი, რომელსაც სიტყვის გაგრძელების უფლება არ მიეცა, ზელენსკისკენ შებრუნდა და უკრაინის პრეზიდენტს შუათითი უჩვენა.

საინტერესოა, რომ სექტემბერში გენერალურმა პროკურატურამ დაიწყო სისხლის სამართლის წარმოება ლეროსის მიერ შესაძლო დანაშაულის ჩადენასთან დაკავშრებით. უწყებაში განაცხადეს, რომ აღმოჩენილია ვიდეო, სადაც პირი, რომელიც დეპუტატ გეო ლეროსს გავს, ეძებს ადამიანებს მასზე თავდასხმის იმიტაციისათვის, რათა შექმნას საფრთხის ილუზია.