მიხეილ სააკაშვილის შიმშილობის ფორმით პროტესტის მიზანი არის ის, რომ ძალაუფლება ნებისმიერი გზით დაიბრუნოს, - განაცხადა საპარლამენტო უმრავლესობის წევრმა, გურამ მაჭარაშვილმა.

მისი თქმით,  განცხადებები კერძო კლინიკაში მისი გადაყვანის შესახებ არის სპეკულაციური და მოშიმშილე ადამიანის ჯანმრთელობის მდგომარეობა ვერც ერთ სამედიცინო დაწესებულებაში გაუმჯობესდება.

„თავად ექიმი ამბობს, რომ ერთადერთი წამალი, რაც არის შიმშილობის საწინააღმდეგო, კვებაა. ვერც ერთი სამედიცინო დაწესება ვერ უზრუნველყოფს, რომ თუ ადამიანი რეალურად შიმშილობს, მისი ჯანმრთელობა არ გაუარესდეს. ამიტომ მისი, ადვოკატების და კოლეგების განცხადებები იმის თაობაზე, რომ კერძო კლინიკაში გადაიყვანონ, არის სპეკულაციური. მოშიმშილე ადამიანის ჯანმრთელობის მდგომარეობა ვერც ერთ სამედიცინო დაწესებულებაში ვერ გაუმჯობესდება, ასეთი რამ ბუნებაში არ არსებობს. მიხეილ სააკაშვილის შიმშილობის ფორმით პროტესტის მიზანი არის ის, რომ ძალაუფლება ნებისმიერი გზით დაიბრუნოს”, – განაცხადა მაჭარაშვილმა.